Cáritas ofrece en Betanzos un curso gratuíto de lingua e cultura galegas para persoas inmigrantes e retornadas
Son 20 horas, do 26 de outubro ao 4 de novembro, de luns a venres de 9:30 a 12:00 no Salón Azul do Edificio Arquivo.
Cáritas imparte en Betanzos un curso gratuíto de introdución á lingua e á cultura galegas dirixido a persoas inmigrantes ou retornadas maiores de idade. Serán 20 horas, entre o 26 de outubro e o 4 de novembro, de luns a venres de 9:30 a 12:00 no Salón Azul do Edificio Arquivo.
O curso forma parte do programa da Xunta de iniciación á lingua e á cultura galegas para persoas chegadas de fóra de Galicia, que se imparte en máis de 100 concellos a través da Rede de Dinamización Lingüística e de convenios con entidades como Cáritas. Os contidos abranguen pronuncia, gramática básica, vocabulario e cultura, cunha breve historia da lingua. En 2025 participaron máis de 1.500 persoas.
A inscrición pódese facer polo WhatsApp 673 336 850 ou no local de Cáritas de Betanzos.
Fonte: ACEBE CCA. Os datos obtivéronse da edición en papel do xornal «Betanzos e a súa comarca» de outubro de 2026.
Comentarios
Aínda non hai comentarios. O primeiro pode ser o teu.